粵劇有一舊叫驚堂木。係一個縣官審案時用。

有一年林錦堂先生在西貢夜晚演出時、突然發台瘟又見到好多陰人行黎行去、林先生即刻囉起驚堂木大力在案檯一拍、好奇怪、所有陰人即時消失。【李老闆講】

.................................................................................................................................................................................

你唔係搭呢架車

1966年之前新界一到夜晚好難搭車，無必要新界人好小出夜街，有一位朋友廖先生家住上水，因朋友生仔、所以去大埔飲滿月酒【到會宴】去人家屋企食那一種。

食完差不多十二點廖先生正在馬路邊等車原來早已有一位老人家企係度等車，兩人相隔大約十呎，等左大約30分鐘見到有一架九座位客車嚟緊老人家與廖先生同時舉手截車，當九座位客車打開車中門，廖先生，先讓老人家上車，當廖先生正想上車。

司機講︰老友你唔係搭呢架車，你搭後面個架九座位。

廖先生望下真係有架九座位停左係度，於是廖先生行去後面架九座位上車，當廖先生坐定之後，再望前面，一條大直路，唔見左前面架九座位客車。

廖先生知道自己撞鬼，好彩先讓老人家上車，否則後果…….

..................................................................................................................................................

真正師父

　　我以前返工有一伙計花名叫大肚文，因為我住梨木樹宿舍，大肚文住長紗灣宿舍，有時相約行城門水塘，一次行山大肚文講︰初搬去長紗灣住宿舍細女每日返學都係老婆帶。

有一次例假細女要大肚文帶返學，大肚文當然答應。

細女著好校服，大肚文開門時，細女望住窗講︰婆婆我返學啦。

大肚文︰問老婆細女日日都係咁講。

大肚文︰老婆講係呀都唔知佢做乜。

大肚文叫老婆帶細女返學。自己有小小野做。

大肚文行去窗口見到老婆細女落左街。

即刻鎖好大門，立刻在一木合內囉左一把紙扇，一件紅兜肚，一對草鞋。

著起紅兜肚，草鞋，手拿紙扇，念起客家咒語，用手一抺對眼，果然見到一個好驚婆婆坐在窗台，大肚文原本可以一掌將佢打散，但見婆婆好驚個樣而且又無惡意。

大肚文 心一軟，問婆婆點解坐係我屋企度。

婆婆講︰呢間宿舍上手係佢仔住，因為囉左一間大啲宿舍，所以搬走左，但呀仔又無帶我走，咪留底我。

大肚文知道婆婆係伙計老母，更加唔會打散佢。

大肚文好心對婆婆講︰我打電話叫你仔嚟接妳返去。婆婆當然千多謝萬多謝。

幾日後大肚文特登在家中用電話聯絡婆婆個仔，第一句就講妳媽媽而家在我呢度，返緊你度，你比個位置佢住，你亦要好好照顧佢。

個伙計無里頭唔知大肚文講乜，再傾一陣至知自己留底老母在舊宿舍，亦接受媽媽返去。

大肚文亦將細女對眼封左，大肚文住長紗灣宿舍亦住到退休。

…………………………………………………………………………………

.................................................................................................

有一位新界原居民朋友劉先生與七十多歲父親住在一棟三層村屋，因為母親因病去世已經有十年，在客廳父親住二樓，劉先生自己住三樓，樓下做飯廳與客廳用及安放媽媽相片。

有一晚劉先生正在浴室洗臉，突然聽到好徵弱女人聲音在耳邊講爸爸跌倒，劉先生覺得把聲好熟，一下諗唔起邊個，劉先生即刻走落二樓見到爸爸瞓在地上，劉先生扶起爸爸上床打電話叫十字車送去醫院，原來係輕微中風，好在入院快所以好快出院。

劉先生接爸爸回家後劉老先生行去劉先生媽媽相片到點左三支香，講左十幾分鐘，劉先生都唔知爸爸講左乜。

劉老先生講當晚沖完沖返入房突然覺得頭暈矇矓中見到你媽媽扶住我，同我講上去叫你落嚟。

劉先生諗起當晚把聲女人好熟，原來是媽媽把聲。

..........................................................................................................

車窗外有個頭飛來飛去2019..10..30

呈翔道未正式通車前，好多人在此放紙鷂，亦喜歡【戒紙鷂】有人用魚絲有人用玻璃線。

註︰玻璃線其實將玻璃粉加膠水黐上條線度，所以條線好鋒利。

有一日有兩人【戒紙鷂】兩人都係用玻璃線，當然一定有一個斷線。

未斷線紙鷂就用線轆收回玻璃線，因為【戒紙鷂】放出去線有成幾百呎甚至千呎，所以收線都有一段時間，正在收線時，剛巧有一架電單車高速在身邊經過，咁啱紙鷂又向下打關抖，個位人兄好自然將線轆向後拉，希望紙鷂向上升，紙鷂未上升，但戴頭盔電單車司機，頂頭盔跌左落地，但個電單車司機仍然揸住電單車向前衝，行左大約幾百呎，人車才跌落地，有熱心人幫手救援，其中一人執起頭盔，發覺有點重，所以望下頂頭盔，原來裡面有個人頭擘大眼雙眼，任何人都會嚇死，即刻掉左頂頭盔落地，圍觀的人見到，個個鳥獸散，第日報紙見，有人揸電單車被玻璃線割斷頸，死於非命。

從此呈翔道有好多司機見到有頭盔在車窗外飛過。

…………………………………………………………………………………

陳醫生一晚撞兩個

新界有間醫院，新來一位實習姓陳醫生，無分日夜都要巡房，有一日夜更一個人去巡房，因為高層病房，所以要搭升降機，正在等升降機時候，又有一女人企在右手旁邊，差不多等左二分鐘有一部電梯打開門，陳醫生，正想入升降機的時候見到有一人企在升降機，陳醫生突然向後退，而且用右手拉住身邊一個正想行入升降機的女人。後面女人問醫生點解不比佢入升降機。陳醫生好驚講：你沒無睇頭升降機內那個人腳指公有一個紙牌，個女人抬起隻腳講的係味呢個咁樣。

………………………………………………………………………….
有一年星期六冬天零晨，陳生與一班喜電單車男女朋友在新界遊樂，當晚陳生有女朋友坐，所以開車較慢，而其他車無人坐開車自然快一點，可能夜晚有點涼，陳生女友一直用雙手摟住陳生。
忽然間陳生感覺有人摸佢塊臉，隱約聽到有女人講︰好凍
陳生亦感覺女朋友的雙手一直攬住自己條腰無放開，正在胡思亂想之間，見到自己一班車友圍在一起，陳生落車睇下，原來有一女隊員撞到路邊一條石柱【當場死亡】。
再睇清楚原來係一齊學電單車陳乜乜，因為大家陳所以兩人自認兄妹，可能因此。
陳生取出電單車，車蓋包裹陳乜乜，陳生哭住講︰唔凍，唔凍。
………………………………………………………………………..
有一位50幾撈偏門姓李男士，有妻又有妾，可惜個個無得生，有手下提議佢觀音誕投一舊薑。可能有得生。
李生聽完立刻行動，觀音誕日親自去投標，因為係明標，你出一百人地亦可以出二百，由一百投到十萬，最終由李生投得，因為唔使即時比錢，李生攞住舊薑返去正室屋企，好恭敬將舊薑放上神台，同老婆酒足飯飽，自然就係去二奶到好好做人。
三個月後二奶話有左，李生開心到跳起，無論任何事情都係順風順水，直到二奶生出，仔一個，李生更加開心，而且事業更上一層樓，真係當個仔係金菠羅，小朋友亦相當精靈。
個手下提李生去還神，李生一講錢而且係十萬自然肉赤，口頭講知道，知道實際無去做。
第二年冬天小朋友可能著衫小，半夜發燒，李生諗天光先個仔去睇醫生，私人醫生通常開十一點，當見到醫生時，醫生好緊張叫李生即刻要帶小朋友入院，去到醫院醫生叫護士用火酒同小朋友沖涼，攪一大輪，小朋友還要留院，小朋友持續發燒一星期，出院時小朋友已經兩眼無神，已經燒壞個腦。
………………………………………………………………………..
………………………………………………………………………..
啲錢唔好放在地下燒
有一位姓廖新界村人，每次出入都要經過村口幾座舊墳，已經習以為常。
有一日收工已經零晨，廖生照樣行路入村，好奇怪望見一個老人家拿著帚把，帚地。
廖生好奇問【呀叔咁早開工呀】
老人家好慈祥語氣講︰我同個衰仔講左用個鐵桶裝住燒唔好放在地上燒，而家啲錢有排帚。
廖生好鎮定講︰你慢慢啦。
廖生急急腳走到村口【土地公】點三支香拜三拜。

結婚擇日

原來結婚要咁多日子

擇日生仔天不得時，日月無光。地不得時，草木不長。水不得時風浪不平。人不得時，不通好運。所謂︰時也，命也，運也！

合婚

原來結婚要咁多日子

擇日生仔
天不得時，日月無光。地不得時，草木不長。水不得時風浪不平。
人不得時，不通好運。所謂︰時也，命也，運也！